ოკუპანტების მიერ სატელეფონო სიხშირეების ჩახშობის გამო, გამყოფ ხაზთან მდებარე სოფლების ნაწილში 112-ს ვეღარ იძახებენ. სასწრაფო სამედიცინო დახმარების ბრიგადა ხურვალეთის მოხუცთა თავშესაფარში დასჭირდათ, 112-ზე დარეკვისას კი მათ ცხინვალის შტაბიდან უპასუხეს.
,,ანტისაოკუპაციო მოძრაობის” ლიდერი, დავით ქაცარავა ამბობს, რომ ეს არ არის პირველი შემთხვევა, როცა რუსული საოკუპაციო რეჟიმი ე.წ. საზღვრის სიახლოვეს ქართული მობილური კავშირგაბმულობის კომპანიების სიგნალს ახშობს და რუსული ოპერატორების სიგნალს ავრცელებს.
